AU LIEUTENANT GONTIER

Si maladie au visage blesmy N'eust perturbé le sens à ton amy, Long temps y a (Gontier) que ta semonce Eust eu de moy la présente response, Qui ne devroit response se nommer.

Quant à tes faictz, qui feront renommer Ton ncMn par tout, et après la mort vivre, Si en cest art veulx ta poincte poursuyvre. Tes poinctz sont grans, tes mètres mesurez,. Tes dictz tous d'or, tes termes azurez, Voyre si haulti et arduz, à tout prendre, Que mon esprit travaille à les comprendre.

Quand tout est dict, les louenges données De toy à moy doivent estre ordonnées (Sans de nully vouloir blesser Thonneur) A Jehan le Maire, ou au mesme donneur.

Il te talloit un esprit poétique.

Non pas ma plume essorée et rustique, Pour te respondre. Or ay je mis estude A n'estre point notté d'ingratitude.

Tu m*as escript, je te respons aussi ; Et si tu n*as beaucoup de vers icy.

Supporte moy : les Muses me contraignent Penser ailleurs, et fault que mes vers plaignent La dure mort de la mère du Roy, Mon Mecenas. Et si quelque desroy On treuve îcy, ou resverie aucune, Tu n'as, Gontier, pour moy excuse qu'une : C'est que celluy pour resveur on prendra Qui un resvant en fiebvre reprendra.

SPISTRES 179

X VIGNALS, THOULOUSAN (1531)

Quand Dieu m^auroit aussi bien présenté Le bon loysir et Tentiere santé Que le vouloir, ta response alongée Seroit du tiers et beaucoup mieulx songée : Ce neantmoins, Vignals, je pense bien Que tu congnois que le souverain bien De Tamytié ne gist en longues lettres, En motz exquis, en grand numbre de mètres, En riche rithme ou belle invention, Ains en bon cueur et vraye intention ; Donc je m'attends qu'excusé je seray De ton bon sens. Or à tant cesseray.

Ma Muse foible à peine peult chanter ; Mais pour le moins tu te peulx bien vanter Que de Marot tu as à ta commande Petite epistre, et amytié bien grande.