SOUBS LES NOMS DE PAN ET ROBIN

Un pastoureau, qui Robin s'appeloit, Tout à par soy n'agueres s'en alloit Parmy fousteaux ^arbres qui font umbrage), Et là tout seul faisoit de grand courage Hault retentir les boys et l'air serain, Chantant ainsi : « 0 Pan, dieu souverain, Qui de garder ne fus onc paresseux Parcs et brebis et les maistres d'iceux, Et remects sus tous gentiiz pastoureaux Quand ilz n'ont prez ne loges ne toreaux, Je te supply (si onc en ces bas estres Daignas ouyr chansonnettes champestres), Escoute un peu, de ton vert cabinet^ Le chant rural du petit Robinet.

Sur le printemps de ma jeunesse folle, Je ressemblois Farondelle qui voile Puis çà, puis là : l'aage me conduisoit, Sans peur ne soing, où le cueur me disoit. En la forest (sans la crainctc des loups) Je m'en allois souvent cueillir le houx, Pour faire gluz à prendre oyseaulx ramages, Tous difTerens de cliantz et de plumages; Ou me souloys (pour les prendre) entremettre A faire bricz, ou cages pour les mettre.