DE SON JOUEUR DE FLUSTE

N'y pense plus, Prince, n'y pense mye, Si de Michel n'es ores visité, Car le dieu Pan et Syringue s'amye Ce mois d'avril ont un prix suscité,

CHANTS DIVEUS 331

Et ont donné sur un des montz d'Arcade Au mieulx disant de la fluste une aulbade Xa fluste d'or, neuf pertuis conteuant.

Tytire y court, Mopsus s'y va traînant, Et Coridon a le chemin apris ; Chascun y va, pour veoir qui maintenant Du jeu de fluste emportera le prix.

Lors ton Michel n'a eu teste endormie, Ains est couru veoir la solennité.

Et a sonné sa fluste et chalemye, Tout à ton los, honneur et dignité.

Incontinent que toute la brigade Son armonie ouyt soubz la faeillade, Pan se teut coy, merveilles se donnant: Dont chascun va sa fluste abandonnant, Et soubz la sienne à danser se sont pris, Disant entre eulx : « Ce Françoys resonnant Du jeu de fluste emportera le prix. »

Pan (en eff"ect) eut la face blesmye, Et sur Michel se monstra despité ; Si doubterois que de peur d'infamye Du hault du mont ne l'eust précipité ; Car un hault Dieu de dueil trop est malade Quand un mortel le surmonte et dégrade. Mais Pan, qui t'ayme, est assez souvenant Qu'un tel ouvrier est propre et advenant A toy, qui es recueil des bons esprits ; Donc reviendra, et en s'en revenant Du jeu de fluste emportera le prix.

Prince Lorrain, par vertu consonant A bons subjectz, ton Michel bien sonnant. Plus pour l'honneur qui est en toy compris Que pour monstrer qu'il n'est point aprenant, Du jeu de fluste emportera le prix.

CHANT DE JOYE , AU BETOUR d'eSPAIGNE '