DE MESSEIGNEURS LES ENFANS

Hz sont venuz, les enfans desirez;

Loyaulx Françoys, il est temps qu'on s'appaise ;

Pourquoy encor pleurez et souspirez?

Je Fenlens bien : c'est de joye et grand aise,

Car prisonniers (comme eulx) estiez aussi.

O Dieu tout bon, quel miracle est cecy ?

Le Roy voyons et le peuple de France

En liberté, et tout par une enfance

Qui prisonnière estoit en fortes mains.

Or en est hors, c'est triple délivrance :

Gloire à Dieu seul, paix en terre aux humains.

Nouvelle Royne, ô que vous demourez 1

Sentez vous point de loing nostre mesaise !

Sus, peuples, sus, vos quanlons décorez

De divers jeux. Est il temps qu'on se taise?

De voz jardins arrachez le soucy,

Et qu'il n'y ayt gros canon racourcy,

Qui ceste nuict ne bruye par oultrance,

Signifiant que guerre avec souffrance

Part et s'en va aux enfers inhumains ;

Et puis chantez en commune accordance :

« Gloire à Dieu seul, paix en terre aux humains. »

Sotz devineurs, voz livres retirez :

Tousjours faisiez la nouvelle maulvaise ; Mais Dieu a bien vos propos revirez, Tant que menty avez, ne vous desplaise. Heureux baron, noble Montmorency, Ce qu'en as faict (il le fault croire ainsi) Est du Grand Maistre ouvrage, sans doubtance. Conseil françoys, quoy qu'en ceste alliance N'eussent mieulx faict les tressages Rommains, Ne dictes pas que c'est vostre puissance : Gloire à Dieu seul, paix en terre aux humains.

Prince royal, ma terrestre espérance,

Si le plaisir de ceste délivrance

Voulez peser contre les travaulx maints,

Droicte sera (ce croy je) la balance ;

Gloire à Dieu seul, paix en terre aux humains.