DE LA MORT DE MONSIEUR DE CHISSAY

D'un coup d'estoc, Chissay, noble homme et fort, L'an dix et sept soubz malheureux effort Tomba occis au moys qu'on semé l'orge, Par Pomperan, qui de Bouchai et Lorge Fut fort blessé, quoy quïl resistast fort.

Chissay, beau, jeune, en crédit et support, Feit son debvoir au combat et abord; Mais par hazard fut frappé en la gorge D'un coup d'estoc.

Dont un chascun de dueil ses lèvres mord, Disant: «Helasl l'honneste homme est il mort? » Pleust or à Dieu et monseigneur sainct George Que tout baston eust esté en la forge Alors qu'il fut ainsi navré à mort D'un coup d'estoc.

A UN POiiTE FRANÇOYS

Mieulx resonnant qu'à bien louer facile Est ton renom volant du domicile Palladial vers la terrestre gent.

Puis vers les cieulx, dont as le tiltre gent D'Aigle moderne, à suyvre difficile.

Je dy moderne, antique en façons mille. Ce qui près toy me rend bas et humile. D'autant que plomb est plus sourd que l'argent Mieulx re sonnant.

Ainsi ma plume, en qui bourbe distille, Veult esclarcir l'onde claire et utile.

Dont le gravier est assez refulgent Pour troubler l'œil de l'esprit indigent, Uui en tel cas a besoing d'autre stile Mieulx resonnant.