AU SEIGNEUR THEOGRENUS, LISANT A SES DISCIPLES

Plus proufilablo est de t'escouter lire Que d'Apollo ouyr toucher la Ivre, Où ne se prend plaisir que pour l'oreille ; Mais en ta langue ornée et nompareille Ghascun y peult plaisir et fruict eslire.

Ainsi, d'autant qu'un Dieu doibt faire et dire Mieulx qu'un mortel chose où n'ayt que redire, D'autant il fault estimer ta merveille Plus proufitable.

Pref, si dormir plus que veiller peult nuyre, Tu dois en loz par sus Mercure bruyre, Car il endort l'œil de celuy qui veille, Et ton parler les endormis esveille, Pour quelque jour à repos les conduyre Plus proufitable.