ESTIENNE CLAVIER A CLEMENT MAROT

Pour bien louer une chose tant digne Comme ton sens, il fault sçavoir condigne; Mais moi, i^ovret d'esprit et de sçavoir, Ne puis attaindre à si haut concevoir.

Dont de despit soîivent me pais et disne.

Car je congnois que le fons et racine De tes escriptz ont prins leur origine Si trèsprofondz, que je n'y puis rien voir Pour bien louer.

Donc, orateurs, chascun de vous consigne Termes dorez puysez en la piscine Palladiane, et faites le devoir Du fils Marot en telle estime avoir Qu'il n'a second en pol'sie insigne Four bien loîier.

RESPONSE AUDIGT CLAVIER

Pour bien louer et pour estre loué

De tous esprilz tu dois estre alloué,

Fors que du mien, car tu me plus que loues;

Mais en louant plus haults termes alloues

Que la sainct Jehan, ou Pasques ou Noué.

Qui noue mieulx, respons, ou G ou E?

J'ay jusque icy en eau basse noué ; Mais dedans l'eau Caballine tu noues, Pour bien louer.

G c'est Clément, contre chagrin cloué; E est Estienne, esveillé, enjoué; C'est toy, qui maintz de loz trèsamples doues; Mais endroit moi tu fais cignes les oues, Quoy que de loz doibves estre doué, Pour bien louer.

372 HONDEAUX

A JEHANNE GAILLARDE, LYONNOISE

D'avoir, le prix en science et doctrine Bien mérita de Pisan la Cristine Durant ses jours; mais ta plume dorée D'elle seroit à présent adorée, S'elle vivoit par volunté divine.

Car tout ainsi que le feu l'or affine, Le temps a faict noslre langue plus fine, De qui tu as l'éloquence asseurée D'avoir le prix.

Donques, ma main, rens toy humble et bénigne, En donnant lieu à la main féminine; N'escris plus rien en rithme mesurée.

Fors que tu es une main bien lieurée D'avoir touché celle qui est tant digne D'avoir le prix.