A ESTIENNE DU TEMPLE

Tant est subtil et de grande efficace

Le tien esprit, qu'il n'est homme qui face

Chose qui plus honneur et loz conserve;

Et ce qu'as faict, roy, seigneur, serf ne serve

Ne le feit onc : je metz raison en face.

Qui veult descendre en la vallée basse, Monté doit estre avant en haulte place ; Mais ton esprit tout le contraire observe, Tant est subtil.

Descendu es des Temples quant à race.

Et puis monté au temple quant à grâce, ' Je dy au temple excellent de Minerve; Bref, ton descendre est d'antique reserve, Et ton monter le ciel crystallin passe, Tant est subtil.