DE LA VEUE DES ROYS DE FRANCE ET D' ANGLETERRE ENTRE ARDRES ET GUIGNES

De deux grans Roys la noblesse et puissance

Yeue en ce lieu, nous donne congnoissance

Qu'amytié prend courage de lyon

Pour ruer jus vieille rébellion,

Et mettre sus de paix l'esjouyssance.

Soit en beauté, sçavoir et contenance, Les anciens n'ont point de souvenance, D'avoir onc veu si grand' perfection De deux grans roys.

Et le festin, la pompe et l'assistance Surpasse en bien le triumphe et prestance Qui fut jadis sur le mont Pelyon :

Car de là vint la guerre d'Ilion ; Mais de cecy vient paix et alliance De deux grans roys.