DE TROYS ALLIANCES

Tant et plus mon cueur se contente D'alliances, car autre attente îse me sçauroit mieulx assouvir, Veu que j'ay ^pour honneur suyvir) Pensée, Grand' Amye, et Tante.

La Pensée est noble et prudente ; La Grand' Amye belle et gente ; La Tante en bonté veulx pleuvir Tant et plus.

Et ce rondeau je luy présente ; Mais pour conclusion décente, La première je veulx servir,

De l'autre l'amour desservir; Croire la tierce est mon entente Tant et plus.

at'x damovselles paresseuses d'escrire a leurs AMYS

Bon jour, et puis, quelles nouvelles?

N'en sçauroit on de vous avoir?

S'en bref ne m'en faictes sçavoir, J'en feray de toutes nouvelles.

Puis que vous estes si rebelles, Bon vespre, bonne nuict, bon soir.

Bon jour.

Mais si vous cueillez des groyselles, Envoyez m'en; car, pour tout voir, Je suis gros : mais c'est de vous veoir Quelque matin, mes damoyselles; Bon jour.