CHANSON XXXVII POUR LA BLANCHE

Pourtant si le blanc s'efTace, Il n'est pas à despriser; Gomme luy le noir se passe, Il a beau temporiser.

Je ne vëulx point mespriser, Ne mesdire en ma revanche ; Mais j'ayme mieulx estre blanche Vingt ou trente ans ensuyvant, En beauté nayfve et franche.

Que çoire tout mon vivant.

CHANSON XXXVIll

J'ay trouvé moyen et loysir D'envoyer Monsieur à la chasse;

Mais un autre prend le plaisir, Qu'envers ma dame je pourcliasse,

Ainsi pour vous, gros beufz puissans , Ne traînez cliarrue en la plaine ; Ainsi pour vous, moutons paissans.

Ne portez sur le dos la laine.

Ainsi pour vous, oyseaulx du ciel, Ne sçauriez faire une couvée; Ainsi pour vous, mouches à miel , Vous n'avez la cire trouvée.