DE LA ROYNE CLAUDE

Cy gist envers Claude, Royne de France, Laquelle avant que Mort luy feist oultrance Dit à son ame (en gettant larmes d'oeil) : « Esprit lassé de vivre en peine et dueil. Que veulx tu plus faire en ces basses terres ? Assez y as vescu en pleurs et guerres : Va vivre en paix au ciel resplendissant, Si complairas à ce corps languissant. »

Sur ce fina par mort qui tout termine, Le lys tout blanc, la toute noyre hermine ; Noyre d'ennuy, et blanche d'innocence.

Or vueille Dieu la mettre en haulte essence. Et tant de paix au ciel luy impartir, Que sus la terre en puisse départir.