DE MONSIEUR DE PRECY

Le chevalier gisant dessoubz ce marbre cy François d'Alegre fut, et seigneur de Precy, Qui soubs Charles huictiesme à îsaples se trouva, Là où sa force en guerre à vingt ans esprouva, Et y deraoura chef, pour son premier mérite, De trois mil combatans, Suisses gens d'eslite : Avec lesquelz deffeit par deux foys en campaigne Plus grosnombredeceuIxdeNapleset d'Espaigne.

Grand Seneschal estoit au royaume susdict. Mais trop tost cest office et son maistre perdit ; Ce nonobstant Loys, qu'après on couronna, D'estat de chambellan le deffunct guerdonua, En luy donnant maistrise et suprême puissance Dessus les claires eaux et grans foretz de France; Et en tous les perilz et grans guerres d'adoncques Alla et retourna, sans reproches quelconques.

Loys douziesme mort, Fi'ançoys Roy couronné, Iceulx mesmes estatz, et mieulx, luy a donné.

Premier il espousa de Chartres la vidame, Dont n'eut aucuns enfans: mais la seconde dame, Comtesse de Joigny, et luy, deux filles eurent, Qui tout le reconfort de leur vieillesse furent. Or mourut aagé d'ans soixante cinq et dix. Regretté de chascun : Dieu luy doint paradis.

VIJI