DE DAMOYSELLE AXNE DE MARLE

Vous qui aymez amytié nuptiale, Vous qui prisez charité cordiale, Et qui louez en un corps femenin Un cueur entier gracieux et begnin, Arrestez vous : cy gist la damoyselle Qui tout cela et mieux avoit en elle; Anne est le nom de celle dont je parle, Fille jadis de Hierosme de Marie, En noble lieu de Luzancy seigneur.

Et sa mère est Damoyselle d'honneur.

Qui porte nom de Philippe Laurens, Laquelle avec pefe et frère et parens Feit la defuncte estre première femme Du gênerai des finances, Spifame, Gaillard de nom et seigneur de Bisseaulx, Qui d'un tel arbre a eu neuf arbrisseaulx.

Or a vescu trèsvertueusemcnt Avecques luy dix ans tant seulement.

Fascheuse Mort, par son cruel oultrage, N'a pas voulu qu'elle y fust d'avantage, Mais, comme ayant sur la bonté envie, Luy annonça le départ de sa vie,.

L'an de son aage à peine huict et vingt. Lors sans viser au lieu dont elle vint, Et desprisant la gloire que l'on a En ce bas monde, icelle Anne ordonna

Que son corps fust entre les povres mis En ceste fosse. Or prions, chers amys, Que Tame soit entre les povres mise Qui bienheureux sont chantez en l'église.