CRAINCTE

Trop hardiment entreprens, et mesfaicts, 0 toy tant jeune : oses tu bien tes faicts Si mal basliz présenter devant celle Qui de sçavoir toutes autres precelle ?

Mal peult aller qui charge trop grand faix.

Tous tes labeurs ne sont que contrefaicts, Auprès de ceulx des orateurs parfaicts Qui craignent bien de s'adresser à elle Trop hardiment.

Si ton sens foible advisoit les forfaicts Aysez à faire en tes simples effects, Tu diroys bien que petite nasselle Trop plus souvent que la grande chancelle ; Et pour autant, regarde que tu fais Trop hardiment.

l'autheur.

Ces motz fîniz, demeure mon semblant Triste, transy, tout terny, tout tremblant, Sombre, songeant, sans seure soustenance, Dur d'esperit, desnué d'espérance.

Mélancolie, morne, marry, musant, Pasle, perplex, paoureux, pensif, pensant, Foible, failly, foulé, fasché, forclus.

Confus, courcé ; croire Crainte concluz, Bien congnoissant que vérité disoit De celle là que tant elle prisoit ; Dont je perdz cueur, et audace me laisse, Craincte me tient, double me mené en laisse ; Plus dur devient le mien esprit qu'enclume. Si ruay jus encre, papier et plume, Voyre, et de faict proposois de non tistre Jamais pour vous rondeau, lay ou epistre, Si n'eust esté que sur ceste entreprise Vint arriver (à tout sa liarbe grise) Un bon vieillard portant chère joyeuse, Confortatif, de paroUe amoureuse.

Bien ressemblant homme de grand renom, Et s'appelloit Bon Espoir par son nom ; Lequel, voyant ceste femme tremblante.

Autre qu'humaine (à la veoir) ressemblante, Vouloir ainsi mon malheur pourchasser.

Fort rudement setrorce à la chasser, En me incitant d'avoir hardy courage^ De besoingnt^r et faire à ce coup rage ;

Puis folle Craincle, amye de Soucy, Irrita fort, en s'escriant ainsi :