A L'X SIEN AMY, SUR CE PROPOS

Puis que le Roy a désir de me faire A ce besoing quelque gracieux prest, J'en suis content, car j'en ay bien affaire, Et de signer ne fuz oncques si prest.

Parquoy vous pry sçavoir de combien c'est

Qu'il veult cedulle, affin qa'il se contente ; Je la feray tant seure (si Dieu plaist) Qu'il n'y perdra que l'argent et l'attente.

A UN QUI CALUMNIA L'ePISTRE PRECEDENTE (1531)

Le rithmeur qui assailly m'a En mentant contre moy rithma, Car je ne blasine point Gascoingno.

De toutes tailles bons lévriers, Et de tous arts maulvais ouvriers :

Son epistre assez le tesmoingne.

Il fault dire, puis qu'ainsi hoingne, Que je luy ay gratté sa roingne En quelque mot qu'il trouva layd.

Pourquoy d'ailleurs voudroit il guerre?

Je vouldrois voulenliers m'enquerre S'il est parent de mon valet.

Si le congnoissois, le follet, Je produirois en mon roliet De sa vie assez de tesmoings.

Quel qu'il soit, il n'est point poëte, Mais filz aisné d'une chouette.

Ou aussi larron, pour le moins.

Pinseur pinsant, entre autres poinctz Je t'ay pinsé de ce mot : pinse ; Les bons n'y sont pinsez ny poinctz, Mais les meschans, dont tu es prince.