A LA MER

O cruauté d'impétueuses vagues , Mer variable , ou toute craincte abonde Cause mouvant, dont trop cruelles dagues L'ont faict périr de mort tant furibunde.

Si hault désir de congnoistre le monde T'avoit transmis si gentil personnage, Las, falloit il qu'en la fleur de son aage Par devers toy si rudement le prinsses : Sans plus reveoir la court des nobles princes , Ou tant il est à présent regretté.

O Mer amere , o mordantes espinces :

Certainement ce qu'arrestes et pinces, Au gré de tous est trop bien arresté.