DE SON JOUEUR DE FLUSTE

N'y pense plua, Prince, n'y pense mye,

Si de Michel n'es ores visité,

Car le dieu Pan et Syringue s'amye

Ce mois d'avril ont un prix su.scité,

Et ont donné, sur un des moutz d'Aicade.

Au mieulx disant de la flustc une aulbade,

La fluste'd'or, neuf pertuis contenant.

Tytire y court, Mopsus s'y va tramant, Et Coridon a le chemin apris; Chascun y va, pour veoir qui maintenant Du jeu de fluste emportera le prix.

Lors ton Michel n'a eu teste endormie, Ains est couru veoir la solennité, Et a sonné sa fluste et chalemye, Tout à ton les, honneur et dignité.

Incontinent que toute la brigade Son armonie ouyt soubz la fueillade, Pan se teut coy, merveilles se donnant : Dont chascun va sa fluste abandonnant.

Et soubz la sienne à danser se sont pris, Disant entre eulx : « Ce Francoys resonnant Du jeu de fluste emportera le prix, ^i

Pan (en eftect) eut la face blesmye,

Et sur Michel se monstra despité;

Si doubterois que de peur d'infamyc

Du hault du mont ne l'eust précipité:

Car un hault Dieu de dueil trop est malade

Quand un mortel le surmonte et dégrade.

Mais Pan, qui t'ayme, est assez souvenant

Qu'un tel ouvrier est propre et advenant

A toy, qui es recueil des bons esprits;

Donc reviendra, et en s'en revenant

Du jeu de fluste emportera le i>rix.

ENVOV

Prince Lorrain, paj* vertu consunant A bons subjectz, ton Michel bien sonnant. Plus pour l'honneur qui est en toy compris Que jx)ur monstrer qu'il n'est point aprcnaut, Du jeu de fluste emportera le prix.

CHANT DE JOYE, AU RETOUR d'ESPAIGNE