CHANT ROYAL DE LA CONCEPTION

Dedans Syon, au pays de Judée, Fut un débat honneste suscité Sur la beauté des dames, collaudée Diversement par ceulx de la cité,

Et sans faveur de maison ne de race.

Fut dict que celle ayant le plus de grâce Seroit plus belle, « Or sommes hors de peine. (Dit lors quelc'un) car Marie en est pleine. Pleine en sa forme et pleine en ses esprits. Que ces procès donques plus on ne meine : Seule mérite entre toutes le prix. »

Ceste sentence, à son honneur vuydée, Maintes en meit en grand' perplexité, Qui pour envie et gloire oultrecuydée Nouveau débat contre elle ont excité.

A leurs honneurs veulent qu'on satisface Si ont requis que chanter on la face.

Disant qu'elle a l'organe mal sereine.

Parquoy n'estoit en vertu souveraine.

Bref, de la voix toutes ont entrepris La surpasser d'autant que la Sereine Seule mérite entre toutes le prix.

Lors chascune a sa chanson recordéc

D'un estomach par froid débilité;

Mais ceste vierge en voix mieulx accordée

Que orgues ne luz, chanta ce beau dicté ;

« Brunette suis, mais belle en cueur et face,

Et si en tout toutes autres j'efface.

Ce bien m'a faict la puissance haultainc

Du Dieu d'aymer, qui de sa court loinglainc

M'est venu veoir, d'ardante amour espris.

Doncques non moy mais sa bonté certaine

Seule mérite entre toutes le prix. »

La voix qui est de ce corps procedée

Perça l'Enfer Torde concavité;

Des neuf cieulx a la haulteur excédée

Par son hault ton, plein de suavité.

Qui fut uu\' au monde en toute place ;

Mort endormit; dormans plus froidz que glace

A resveillez; povre natun- humaine.

Gisant au lict. sd le\e et se puurmaine.

Du grand soûlas qu'en ceste voix a pris. Certainement, qui tel bien luy amaine Seule mérite entre toutes le prix.

Lors l'assistance en raison bien fondée Sur champ conclud (et conclud vérité) Qu'impossible est telle voix redondée Estre d'organe ayant impurité; Mesmes Envie à la fin s'accorde à ce, Et refraingnit à ce chant son audace, Mieulx que Pluton sa fureur inhumaine Au chant d'Orphée, en l'infernal dommaine. Donc, estomachz de froidure surpris, Quand chanterez, chantez : « Marie saine Seule mérite entre toutes le prix. »

ENVOY

Le divin verbe est la voix et alaine

Qui procéda d'organe non vilaine.

C'est de Marie, où tous biens sont compris;

Dont de rechef ce refrain je rameine :

« Seule mérite entre toutes le prix. »