RESPONSE AUDICT CLAVIER

Pour bien louer et pour estre loué

De tous espritz tu dois estre alloué,

Fors que du mien, car tu m.e plus que loues;

Mais en louant plus haults termes aJloues

Que la sainct Jehan, ou Pasques ou Noué.

Qui noue mieulx, respons, ou C ou E?

J'ay jusque icy en eau basse noué; Mais dedans l'eau Caballine tu noues, Pour bien louer.

C c'est Clément, contre chagrin cloué; E est Estienne, esveillé, enjoué; C'est toy, qui maintz de loz trèsamples doues; Mais endroit moi tu fais cignes les oues, Quoy que de loz doibves estre doué.

Pour bien louer.

A JEHANNE GAILLARDE, LYONNOISE

D'avoir le prix en science et doctrine Bien mérita de Pisan la Cristine Durant ses jours; inais ta plume dorée D'elle seroit à présent adorée, S'ellc vivoit par volunté divine.

Car tout ainsi que le feu l'or affine, Le temps a faict nostre langue plus fine. De qui tu as l'éloquence asseurcc D'avoir le prix.

Doncques, ma main, rens toy humble et bénigne, En donnant lieu à la main féminine; N'escris plus rien en rithme mesurée.

Fors que tu es une main bien heurée D'avoir touché celle qui est tant digne D'avoir le prix.