DE TROYS ALLIANCES

Tant et plus mon cueur se contente D'alliances, car autre attente Ne me sçauroit mieulx assouvir,

Veu que j'ay (pour honneur suyvir) Pensée, Grand' Amye, et Tante.

La Pensée est noble et prudente; La Grand' Amye belle et gente; La Tante en bonté veulx pleuvir Tant et plus.

Et ce rondeau je luy présente; jMais pour conclusion décente, La première je veulx servir.

De l'autre l'amour desservir; Croire la tierce est mon entente Tant et plus.

aux damoyselles paresseuses d'escrire a leurs AMYS

Bon jour, et puis, quelles nouvelles?

N'en sçauroit on de vous avoir?

S'en bref ne m'en faictes sçavoir.

J'en feray de toutes nouvelles.

Puis que vous estes si rebelles.

Bon vespre, bonne nuict, bon soir.

Bon jour.

Mais si vous cueillez des groyscUes, Envoyez m'en; car, pour tout voir, Je suis gros : mais c'est de vous veoir Quelque matin, mes damoyselles; Bon jour.

DE CELUY QUI NOUVELLEMENT A RECEU LETTRES DE s'aMVE

A mon désir, d'un fort singulier estre Nouveaux escriptz on m'a faict apparoistre Qui m'ont ravy, tant qu'il fault que par eulx Aye liesse ou ennuy langoureux :

Pour l'un ou l'autre Amour si m'a faict naistrc.

C'est par un cueur que du mien j'ay faict maistre, Voyant en luy toutes vertus accroistrc, Et ne crains fors qu'il soit trop rigoureux A mon désir.

C'est une dame en faictz et dictz adextre, C'est une dame ayant la sorte d'estre Fort bien traictant un loyal amoureux.

Pleust or à Dieu que fusse assez heureux Pour quelque jour l'esprouver et congnoistre A mon desjr,