AMOUR ET FOY

Amour et Foy sont bien appariez.

Voyre trop mieulx ensemble mariez Que les humains qu'en ce monde on marie; Car jamais Foy de l'Amour ne varie, Et vous, humains, bien souvent variez.

Dames de cueur, icy estudiez :

Ces deux beaulx dons Dieu vous a dédiez, Et sont séans en haulte seigneurie, Amour et Foy.

Tant sont uniz, tant sont bien alliez, Qu'oubliant l'un, l'autre vous oubliez : Si l'amour fault, la Foy n'est plus chérie; Si Foy périt, l'Amour s'en va perie; Pour ce les ay en devise liez.

Amour et Fov.

DE l'amour du SIECLE ANTIQUE (1525)

Au bon vieùlx temps un train d'amour regnoit, Qui sans grand art et dons se demcnoit. Si qu'un bouquet donné d'amour profonde, C'estoit donné toute la terre ronde, Car seulement au cueur on se prenoit.

Et si, par cas, à jouyr on venoit, Sçavez-vous bien comme on s'entretenoit?

Vingt ans, trente ans : cela diiroit un monde Au bon vieulx temps.

Or est perdu ce qu'amour ordonnoit :

Rien que pleurs fainctz, rien que changes on n'oyt, Qui vouldra donc qu'à aymer je me fonde, Il fault, premier, que l'amour on refonde. Et qu'on la meine ainsi qu'on la menoit Au bon vieulx temps.