RONDEAU DES BARBIERS

Povres Barbiers, bien estes morfonduz, De veoir ainsi gentilz hommes tonduz Et porter barbe; or ad visez comment Vous gaignerez, car, tout premièrement, Tondre et peigner ce sont cas defenduz.

De testonner on n'en parlera plus; Gardez cizeaux et rasouers esmouluz, Car désormais vous fault vivre autrement, Povres Barbiers.

J'en ai pitié; car plus comtes ne ducz Ne peignerez, mais comme gens perdu z Vous en irez besongner chauldement En quelque estuve, et là gaillardement Tondre maujoinct ou raser Priapus, Povres Barbiers.