CHANSON XVI

J'ay contenté

Ma voulenté

Suffisamment :

Car j'ay esté,

D'amours traicté

Différemment.

J'ay eu tourment,

Bon traictement, J'ay eu doulceur et cruauté, Et ne me plains fors seulement D'avoir aymé si loyaulment Celle qui est sans loyaulté.

Cueur affecté,

Moins arresté

Qu'un seul moment,

Ta lascheté

M'a dejecté

Fascheusement.

Prens hardiment

Amendement.

Et vous, dames de grand'beaulté, Si l'honneur aymez chèrement, Nous n'ensuyvrez aucunement Celle qui est sans loyaulté.

CHANSON XVn

Je ne fais rien que requérir, Sans acquérir