CHANSON XXXII

Changeons propos, c'est trop chanté d'amours, Ce sont claraours, chantons de la serpette : Tous vignerons ont à elle recours, C'est leur secours jKmr tailler la vignette; O serpilctte, £> la serjiiiamictto,

La vignolette est par toy mise sus,

Dont les bons vins tous les ans son yssus !

Le dieu Vulcain, forgeron des haults dieux, Forgea aux cieulx la serpe bien taillante, De fin acier trempé en bon vin vieulx. Pour tailler mieulx et estre plus vaillante. Bacchus la vante, et dit qu'elle est séante Et convenante à Noé le bon hom Pour en tailler la vigne en la saison.

Bacchus alors chappeau de treille avoit. Et arrivoit pour benistre la vigne; Avec flascons Silenus le suyvoit, Lequel beuvoit aussi droict qu'une ligne; Puis il trépigne, et se faict une bigne; Comme une guigne estoit rouge son nez; Beaucoup de gens de sa race sont nez.