CHANSON XXXIII

La plus belle des trois sera Celle qui mourir me fera Ou qui me fera du tout vivre; Car de mon mal seray délivre, Quand à sa puissance plaira.

Pallas point ne m'y aydera, Juno point ne s'en meslera; Mais Venus, que j'ay voulu suyvre.

Me dira bien : « Tien, je te livre Celle qui ravy ton cueur a. »

CHANSON XXXiV (1524)

Puis que de vous je n'ay autre visage,

Je m'en voys rendre hermite en un desclt,

Pour prier Dieu, si un autre vous sert, Qu'autant que moy en vostre honneur soit sage.

Adieu amours, adieu gentil corsage.

Adieu ce tainct, adieu ces frians yeulx ! Je n'ay pas eu de vous grand advantage; Un moins aymant aura peult estre mieulx