DU CHEVAL DE VUYART, SECRETAIRE DU DUC DE GUISE

Grison fuz Hedard Qui garrot et dart Passay de vistesse; En servant Vuyart Aux champs fuz criart, L'ostant de tristesse.

Bucephal en gresse Fut un maistre en Grèce, Mis entre les dieux; Mais, mon maistre, qu'est-ce?

Plus que luy sans cesse Il est glorieux.

J'allay curieux En chocs furieux.

Sans craindre estrapade; Mal rabotez lieux Passay à cloz yeulx, Sans faire chopade.

La viste virade.

Pompante pennadc, Le sault soubzlevant, La royde ruade, Prompte petarradc, Je mis en avant.

Escumeur bavant, Au manger sçavant, Au penser trèsdoux; Relevé devant, Jusqu'au bout servant J'ay esté sur tous.

Mourant bien secoux, Senty, par deux coups, Mon maistre venir, Et d'un foible poulx Disant : Adieu vous, Me prins à hennir.

Sur ce souvenir Voicy advenir La Mort, sans hucher. Mon œil feit ternir, Mon ame finir, Mon corps trébucher.

Mais mon maistre cher N'a permis sécher Mon los, bruit et famé, Car jadis plus cher M'ayma chevaucher Oue fille ne femme.