I. Les pièces II, III et IV furent ajoutées en
LE PREMIER
Rondeaux, ballades, Chansons, dizains, propos menus, Compte moy qu'ilz sont devenuz.
Se faict il plus rien de nouveau?
LE SECOND
Si faict : mais j'en ay le cerveau
Si rompu et si altéré,
Q'en effect j'ay délibéré
De ne m'y rompre plus la teste.
LE PREMIER
Pourquoy cela?
LE SECOND
Que tu es beste !
Ne sçaib tu pas bien qu'il y a Plus d'un an qu'Amour me lya Dedans les prisons de m'amye?
LE PREMIER
Est-ce encor de Barthelemye La blondelette?
Et de qui donc?
Ne sçais tu pas que je n'euz onc D'elle plaisir ny un seul bien?
LE PREMIER
Nenny vrayement, je n'en sçay rien Mais si tu m'en eusses parlé, Ton affaire en fust mieux allé.
Croy moy, que de tenir les choses D'amours si couvertes et closes, Il n'en vient que peine et regret.
Vray est qu'il fault estre secret.
Et seroit l'homme bien coquart Qui vouldroit appeller un quart ;
Mais en effect il fault un tiers.
Demande à tous ces vieilz routiers, Qui ont esté vrays amoureux.
LE SECOND
Si est un tiers bien dangereux, S'il n'est amy, Dieu sçait combien.
LE PREMIER
Hé ! mon amy, choisis le bien.
Et quand tu l'auras bien choisi,
Si ton cueur se trouve saisi
De quelque ennuyeuse tristesse,
Ou bien d'une grande liesse,
A l'amy te deschargeras;
Sçais tu comment t'allégeras?
Tout ainsi, par le sang sainct George,
Comme si tu rendois ta gorge
Le jour d'un caresme prenant.
LE SECOND
Il vault donc mieulx dès maintenant Que je t'en compte tout du long :
N'est ce pas bien dict?
LE PREMIER
Or là donc.
Mais pour ce que je suis des vieux En cas d'amours, il vauldra mieulx Que les demandes je te face, Combien, de qui, en quelle place, Des refuz, des parolles franches, Des circonstances, et des branches Et des rameaux : car les ay tous Aprins de mes compaignons doulx, Allant avec eulx à la messe.
Or vien ça, compte moy, quand est ce Que premièrement tu l'aymois?
LE SECOND
Il y a plus de seize moys, Voyre vingt, sans avoir jouy.
LE PREMIER
L'aymes tu encores?
LE SECOND
Ouy.
LE PREMIER
Tu es un fol. Or, de par Dieu, Comment doy je dire? en quel lieu Fut premier ta pensée esprise De son amour?
LE SECOND
En une église; Là commençay mes passions.
LE PREMIER
Voylà de mes dévotions !
Et quel jour fut ce?
LE SECOND
Par sainct Jacques, Ce fut le propre jour de Pasques (A bon jour bon œuvre.)
LE PREMIER
Et comment?
Tu venois lors tout freschement De confesse, et de recevoir
LE SECOND
Il est vray, mais tu dois sçavoir Que tousjours à ces grans journées Les femmes sont mieulx attoumées Qu'aux autres jours; et cela tente.
O mon Dieu ! qu'elle estoit contente De sa personne, ce jour là !
Avecques la grâce qu'elle a, Elle vous avoit un corset D'un fin bleu, lassé d'un lasset J aulne qu'elle avait faict exprès. Elle vous avoit puis après Mancherons d'escarlatte verte, Robbe de pers large et ouverte (J'entends à l'endroict des tetins), Chausses noires, petis patins, Linge blanc, ceincture houppée, Le chapperon faict en poupée.
Les cheveulx en passefiUon, Et l'œil gay en esmerillon; Soupple et droicte comme une gaule.
En efifect, saine t Françoys de Paule, Et le plus sainct Italien, Eust esté prins en son lien, S'a la veoir se fut amusé.
LE PREMIER
Je te tiens donc pour excusé.
Pour ce jour là, que fuz tu?
