CRAINTE

Trop hardiment entreprends, et mesfaicts, O toy tant jeune : oses tu bien tes faicts Si mal bastiz présenter devant celle Qui de sçavoir toutes autres precelle?

Mal peult aller qui charge trop grand faix.

Tous tes labeurs ne sont que contrefaictz, Auprès de ceulx des orateurs parfaicts Qui craignent bien de s'adresser à elle Trop hardiment.

Si ton sens foible advisoit les forfaicts Aysez à faire en tes simples effects.

Tu diroys bien que petite nasselle Trop plus souvent que la grande chancelle; l'A pour autant, regarde que tu fais Trop hardiment.

l'aucteur

Ces motz fmiz, demeure mon semblant Triste, transy, tout terny, tout treml)]ant, Sombrf, songeant, sans seure soustenance.

Dur d'esperit, desnué d'espérance, Mélancolie, morne, marry, musant, Pasle, perplex, paôureux, pensif, pesant, Foible, failly, foulé, fasché, forclus, Confus, courcé; croire Crainte concluz, Bien cognoissant que vérité disoit De celle là que tant elle prisoit ; Dont je perdz cueur, et audace me laisse, Crainte me tient, doubte me mené en laisse; Plus dur devient le mien esprit qu'enclume. Si ruay jus encre, papier et plume, Voyre, et de faict proposois de non tistre Jamais pour vous rondeau, lay ou epistre. Si n'eust esté que sur ceste entreprise Vint arriver (à tout sa barbe grise) Un bon vieillard portant chère joyeuse.

Confortatif, de parole amoureuse.

Bien ressemblant homme de grand renom, Et s'appelloit Bon Espoir par son nom ; Lequel, voyant ceste femme tremblante.

Autre qu'humaine (à la veoir) ressemblante. Vouloir ainsi mon malheur pourchasser, Fort rudement s'efforce à la chasser.

En m'incitant d'avoir hardy courage, De besoingner et faire à ce coup rage; Puis folle Crainte, amye de Soucy Irrita fort, en s'escriant ainsi :