Jacques de Durfort, marquis de Duras

SUR LES DUELS

part de son frère, M. de Rozan brave et vaillant aussi, y estant allé fort librement, se plaignit fort d’une grande supercherie, qui luy fut faicte estant au combat; car d’une embuscade sortit cinq ou six qui le chargèrent, et lui donnèrent dix ou douze coups d’espée, (ceux-là n’estoient point bons tueurs, ny si bons que le baron de Vitaux, duquel je parleray tantost) et le laissèrent en la place pour mort; dont despuis il voulut avoir la revanche sur M. de Duras, car il fist entreprise sur luy de le tuer dans sa maison , et le traicter en supercherie comm’il disoit en avoir receu de luy; et de faict elle estoit exécutée sans un grand cerf, qui estoit dans le fossé, et lors en ruth, qui chargea si furieusement ceux qui estoient descendus, qu’ils donnèrent l’allarme et s’en allèrent, ayant mis en vain leur desseing. Ledict M. de Duras en faisoit toutes ses excuses, et juroit n’y avoir eu aucune supercherie, et qu’il n’estoit possible que six hommes n’eussent tué un. Aussi M. de Duras n’eust eu garde d’en estre de consente*, pour estre seigneur d’honneur et de valleur, et fust mort plustost. Si d’autres s’en meslèrent, il n’en pouvoit mais. Je l’en ay veu fort s’excuser.

En ces combats et appels comme je tiens des grands, faut bien adviser et peser quand on va ainsi seul sur la foy d:un gentilhomme, et considérer bien les personnes qui appellent ; à sçavoir, si elles sont de qualitez, d’honneur, de foy, de parolles, de vail-

1 . Jean de Durfort , vicomte de Duras , baron de Rosan , tué en 1587. Le duel eut lieu en mars 1579. Voyez l'Estoile à cette date et Y Appendice.