Gui, quai

SUR LES DUELS

estoit haut à la main, et le plus desdaigneux homme du monde, luy dist : « Jeune homme, Bussy ne se bat jamais la nuict, et n’a jamais apris de monstrer sa valleur aux estoilles ny à la lune, qui n’est assez digne pour la contempler ny la comprendre; si non au soleil, lequel comm’il est clair la faict paroistre et esclairer comme elle est. Ceux qui ont leurs faicts obscurs et ténébreux qui ' les exposent aux ténèbres s’ils veulent, car la nuict n’a point de honte; mais demain au matin aussitost que le soleil sera levé , je ne faudray à me trouver au lieu que vous dites, ou ailleurs s’il s’en ravise, et venez avec luy, et amenez deux pionniers hardiment avec vous; car avant que partir de la place du combat, je vous veux faire enterrer tous deux, pour l’honneur que nous devons aux trespassez. »

Il y eut force grands capitaines qui approuvoient l’humeur de Bussy en cela; toutesfois si ce fust esté un autre que Bussy, l’on y eust pensé quelque manque d’hardiesse, mais celluy-là en avoit à vendre. Il pouvoit avoir apris ceste générosité de son cœur brave, ou du trait que fist Alexandre, lequel en la seconde bataille qu'il donna à Darius, comme il fust conseillé par aucuns de ses grands capitaines, qu’il le surprist de nuyt et qu’il avoit la victoire, à quoy respondist Alexandre* : « Ah je ne veux point desrober la victoire, » comme voulant dire, qu’il ne vouloit faire cet honneur à la nuit de la luy donner pour Foster au beau jour et au beau soleil qui se désole-