Louis de Bourbon, premier du nom, prince de Condé, tué

à Jarnac. * . ~v

qu’il fut en guerre, il s’acquicta de sa charge dignement.

Or, de louer ce prince, c’est autant de mocquerie à moy , d’autant que messieurs de la religion, desquelz il a esté le grand général et protecteur, ne l’ont point oublié en leurs escritz, et Dieu sçait s’ilz sçavent bien dire et mal dire aussi tout ensemble, quand ilz veulent. Il leur faut donner ceste gloire, que ce sont estez les premiers de la France, comme je tiens de bon lieu, qui ont commencé a des mieux et mal dire et escrire, et qui ont monstré le chemin aux autres.

Voylà pourquoy j’en remetz pour ses louanges messieurs qui en ont dict ce qu’il en faut, et n’ont pourtant touché beaucoup de gentilesses , nobles particularitez qu’il a faictes, que j’escrirois voulontiers; mais l’on m’a nommé un honnest’ homme qui en a faict un livre à part non encor imprimé. Voylà pourquoy je m’en tays, et aussi que j’en ay parlé un peu cy-devant ailleurs en un discours à part.

Or mondict sieur le Prince ayant eu par M. l’admirai son oncle le gouvernement de Picardie , qui , d’assez longue anciennetté, et dès la mort de M. de Pienne ', du temps du roy Louis XIIe, appartenoit à ceux de la maison de Vandosme, et luy ne pouvant tenir deux telz estatz qu’estoient ce gouvernement et celuy de couronnel des bandes de Piedmont, et aussi pour l’amour de la guerre civile, le roy en gratiffia M. le mareschal de Brissac, pour son filz