Sentir, dans l'acception de l'italien sentire, entendre

bruit, ou le moindre résonnement du monde, au desloger et sortir, mais qu'elle n'y avoit rien aperceu et disoit une raison qu'elle tenoit des mesmes docteurs : que leur ayant demandé pourquoy le cygne chantoit ainsin avant sa mort, ilz lui avoient respondu que c'estoit poiu' l'amour des espritz qui travaillent à sortir par son long col ; pareillement, ce disoit-elle, vouloit veoir sortyr ou sentir résonner et ouyr ceste ame ou celluy esprit, ce qu'il feroit à son déloger, mais rien moyngs. Et adjousta que si elle n'estoit bien ferme en la foy, qu'elle ne sçauroit que penser de ce deslogement et département^ du corps et de i'ame; mais qu'elle vouloit croire en ce que son Dieu et son Eglise commandoient, sans entrer plus avant en autre curiosité : coriime de vray c'estoit l'une des dames aussi dévotieuses qu'on eust sceu veoir. et qui avoit Dieu aussi souvant en la bouche et le craignoit autant.

Elle fist en ses gayettez ung livre qui s'intituUe : Les Nouvelles de la rejne de Navarre^, où l'on y veoit ung stille si doux et si fluant' et plain de si beaux discours et belles sentances que j'ay ouy dire que, la reyne mère et madame de Savoye estant jeunes,