Compromis, promis. — 2. Serviable, servile

VIH — 12

rent parmy les délicatesses de ce plaisant royaume, qui, pour lors, y abondoient, er mesmes y régnant une si noble reyne en toutes choses que celle-là : et puis, en ayant bien contemplé le tout à leur beau loisir, s'en vindrent ung jour prendre congé de leur reyne et maistresse puisqu'ilz estoient ses prisonniers et esclaves, laquelle le leur octroya fort librement, comme elle avoit faict auparavant, et, aprez avoir receu d'elle et argent pour leur voyage, et présents de grosses chaisnes d'or, s'en retournarent et se mirent en chemin, se recommandant à la bonne adventure, non sans publier par tous leurs passages les vertuz, humanitez et courtoisies de la reyne, comme ilz avoient raison : aussi nulle de son temps n'en fut tant remplie.

Sur quel exemple ce docteur que j'ay allégué, le vénérable docteur Paris de Puteo, fort digne homme, et qui a bien escript de ce duel, loue grandement ceste reyne, et dit en ce cas qu'elle mérite bien plus de louange que ne firent lors messieurs* les chanoynes de Sainct Pierre de Romme, à l'église desquelz et à leur sainct autel ung chevalier vainqueur, ayant voué et faict présent d'un autre chevalier qu'il avoit vaincu, et ainsin réduict par duel (aveq' son cheval, ses armes et toute sa despouille) dans la terre du patrimoyne de Sainct Pierre de Romme, pour eux en disposer, comme ilz jvouldroient , selon les loix des Lombardz en combatz singuliers ordonnez, dont j'espère en faire ung discours*, lesdictz chanoynes