Créon, crayon
briefs motz ce que Pautheur de ce livre dit en plusieurs.
La reyne Jehanne, amoureuse du duc de Tarente, fist mourir son mary Andreasse. La reyne Marie d'Escosse, amoureuse du comte Bothouel, fist mourir son mary.
La reyne Jehanne, son mary mort, espousa aussitost le duc de Tarente , son proche parant. La reyne Marie, son mary mort, espousa le comte Bothouel.
La reyne Jehanne ne jouist pas long-temps de ses amours dudict duc, car il mourut tost après. La reyne Marie de mesme ne jouist non plus long- temps de celles de Bothouel, car il fust assailli et persécuté de la noblesse du pais, fust contrainct de s'enfuyr en Dannemarc, et puis mourut; et la reyne de mesme, fugitive en Angleterre et prisonnière.
La reyne Jehanne esleva ung séisme en France et Italie, à cause de deux papes *. La reyne Marie sema la semance de scisme et sédition en Escosse et Angleterre.
La reyne Jehanne envoya vers le pape en Avignon demander secours contre Charles de Durazzo. La reyne Marie de mesmes en a faict vers les papes , et leur a demandé secours contre la reyne d'Angleterre.
La reyne Jehanne envoya aussi vers Charles, roy de France, et à Louys, duc d'Anjou, demander forces. J^a reyne Marie a envoie de mesmes en demander au roy d'Hespaigne et à son cousin (le livre
