Henri VIII

2. Qu'il ne le vnyoit pas à demy^ qu'il le voyait sans cesse.

le lièvre, il luy dict qu'il luy en vouloit bayller une demy-douzaine des siens, qui estoient bien autres en beauté et bonté, et tous noirs comme taupes. De quoy le roy fut fort ayse, et l'en pria de les luy envoyer quand il seroit de retour chez luy ; à quoy mon père ne faillit. Et, après avoir pris congé du roy, il luy fit présent de deux belles boettes d'Angleterre, et voulut qu'il fist mettre ses armoiries dans l'église de Sainct-Paul à Londres, sur le grand vitrail; ce qu'il lit, et les y ay veues paroistre bien avecques ces deux grandes pattes de griffon qu'il faisoit beau veoyr, lesquelles mon frère d'Ardelay et moy vismes et remarquasmes quand nous estions en Angleterre. Mon père doncques estant de retour à la cour, le roy François luy fit bonne chère, et luy demanda force nouvelles de celle que le roy Henry luy avoit faictes, et puis luy dict : « Vous gouverneriez paisi- « blement le roy mon frère. Il n'y a que pour vous. » Mon père luy dict : « Ah ! chadieu, il est vray, sire « roy, je le gouverne mieux que je ne vous gouverne, « et l'eusse encor mieux gouverné si j'eusse voulu « demeurer avecques luy; car il ma présenté de « meilleurs partis que vous ne me ferez jamais. Mais « ny moy ny les miens, ne fusmes jamais Anglois ny a Iraistres. Pour tous les biens du monde je ne le « feray jamais, ny à vous ny à mon pays, bien que « ne me donnez pas grande occasion de me conî ence ter de vous. » Le roy se mit à rire, et luy dit qu'il ne tiendroit qu'à luy qu'il ne fust content de luy, et qu'il luy demandast. « Ah ! chadieu bénit, dit-il, « vous autres roys vous promettez prou, quand vous « avez affaire des gens de bien, et puis rien; mais

« que vous ayez vos petitz mignons près de vous, « vous ne vous souciez de personne. »

Or, mon père, estant retourné en sa maison, il ne faillit pas d'envoyer audict roy Henry le présent de ces chiens noirs, qui furent à la demy-douzaine, des plus grandz et fortz espaigneuilz que 1 on eust sceu veoyr, et des plus beaux et des meilleurs. Il y avoit quatre chiens et deux chiennes, tous couplez bien gentiment. La Souche, qui avoit esté son laquais de là les montz et estoit père de Pechonpe, les mena. Ne faut point demander comme le roy les trouva beaux et bons aprez les avoir essayez ; et en loua cent fois mon père. Il bailla à La Souche cinquante escus pour s'en retourner, et une chaisne de cinquante escus qu'il portoit au cou. Quand il arriva il se présenta à mon père avecques son habillement de velours noir, que mon père l'avoitainsy habillé avant que partir ; si bien qu'on l'eust pris pour un gentilhomme, car il estoit de fort belle et haute taille, et avoit encor amené une fort belle guilledyne à mon père que le roy luy envoyoit. J'ay ouy faire ce discours au bonhomme Feu, lieutenant de La Tour- Blanche, qui avoit vescu quatre-vingtz ans, qui estoit présent à l'arrivée dudict La Souche, qui faisoit si bien sa myne, et se targuoit et se roguoit^ (il m'usoit de ce mot), qu'il ne faisoit cas de personne avecques sa belle cadèue, et la portoit ordinairement et disoit qu'il avoit gouverné le roy Henry à la chasse et par tout, et qu'il ne luy faisoit que souvent demander des nouvelles de son maistre, et qu'il le desiroit cent fois