Considérer, faire attention

quelque injure, offense et attentat, voire l'exécution sur ma vie, tant des miens que d^aucuns estrangers, dont je n'en puisse avoir raison ny revanche, à cause de ma debolesse et foiblesse d'aage, ou autrement, je veux et entendz que mesdictz nepveux et niepces, ou leurs marys, en poursuivent et fassent la vengeance toute pareille que j'eusse faicte en mes jeunes et vigoureuses années, pendant lesquelles je me puis vanter, et en rendz grâces à mon Dieu, n'en avoir jamais receu aucunes sans aucun ressentiment ny vangeance, ainsy qu'à la cour et aux armées on est fort subject d'avoir des querelles, soit de gayeté ou autrement : et ceux et celles de mes héritiers et héritières, ou leurs marys, qui en négligeront ladicte vangeance et ne la fairont, soit par les armes ou la justice, je veux qu'ilz n'ayent rien de mondict bien, ains qu'il aille tout à ceux et celles qui s'en ressentiront. Et si tous et toutes, ou aucuns ou aucunes, ce que ne puis croire, au moins de tous et toutes, ne s'en ressentent, je veux que tout mon bien aille aux pauvres, aux Quatre-Mandians et Hostel-Dieu de Paris. J'en avois donné une partye ainsy aux religieux de Brantôme; mais j'en révoque la donation, d'autant qu'eux, par trop ingratz des bénéficies* receus de moy, pour curieusement les avoir garantiz et conservez des guerres passées, comme un chascun sçait, m'ont suscité des procez et plaidé contre moy; et par ainsy, faut punir leur ingratitude par trop grande.

Et d'autant que le sieur de La Barde de Sainct-