Bénéficies, bienfaits ; bénéficia

Crespin, dict Guillaume Mallety, à cause de sa foire de Saunier, m'a Caict plaider et tant chicanner l'espace de douze ans, tant pour son hommage à moy deub, que pour autres devoirs deuhs à ma terre de Sainct-Crespin et cliasteau de Richemond, dont le procès est encore pendant en la cour de Bourdeaux, qui m'a cousté fort bien mille escus, tant pour ses délaiz, remises, subterfuges, cavillations , et chicanneries et faveurs dudict Bourdeaux, je veux et entendz que mes susdictz héritiers et héritières en poursuivent ledict procez à toute outrance, s'il n'est avant ma mort assoupy, soit par accord ou par arrest, et le mènent jusques à la dernière fin; m'asseurant tant en mon droict qu'ilz en tireront fort bien la raison, jusques-là qu'ilz en pourront retirer la maison de La Barde; car il me peut devoir fort bien plus de douze mille livres, n'estant raisonnable de laisser en repos ce petit galland, extraict de belle famille, son grand-père ayant esté notaire, dont s'en trouve force contrats encor en Périgord signés Mallety. Et ceux et celles de mesdictz héritiers et héritières, qui ne poursuivront vivement ledict procez, je les déshérite, et en donne leurs parts aux autres qui s'en ressentiront* mieux et le persécuteront' à toute outrance, et en prendront mieux l'afTirmative.

Je sçay bien que M. de Bourdeille et le seigneur d'Ambleville l'ont soustenu autresfois ; mais je m'en remetz à eux sur leur honneur et conscience ; car