s'agit bien évidemment de Marguerite de Valois

32G DES DAMES

séflitions et dp nos guerres civilles. Cette princesse, qui prononça ces mots, despuis l’a trouvé bien à dire, et l’a bien regretté. L’autre chose et dernière, est que le corps du roy fust quitté, estant à l’église de Sainct-Ladre, de tout le grand convoy, tant des princes, seigneurs, court de parlement, et ceux de l’église et de la ville, et ne fust suivy ny accompagné que du pauvre M. d’Estrozze, de Fumel' et mov, et deux autres gentilshommes de la chambre, qui ne voulusmes jamais habandonner noslre maistre tant qu’il seroit sur terre. Il y avoit aussi quelques archiers de la garde, chose qui faisoit grand’ pitié à voir, dans les champs. Sur le tard, et huict heures du soir en juillet, en fallut porter le corps et ceste effigie si mal accompagnée.

Estant à la croix ’, nous y trouvasmes tous les religieux de Sainct-Denys qui l’attendoient; et, avec cérémonies de l’église à ce requises, fut honnorablement mené à Sainct-Denys, où ce grand M. le cardinal de Lorraine le receut fort dévotieusement et honnorablement, ainsy qu’il sçavoit bien faire.

U reyne * fut fort en colère de quoy tout ce grand convoy n’avoit passé outre, ainsy qu’elle entendoit, fors Monsieur, son filz, et le roy de Navarre, qu’elle tenoit comme prisonniers. Le lendemain pourtant, ils ne faillirent pas, avec très-bonne garde, en coche, et capitaine des gardes avec eux, de se trouver au grand service solemnel, avec le grand convoy et

1 . Probablement Charles de Bellevillc, baron de Fumel, tué à la bataille de Coutras (1387).