L'évèque d'Angers

j. Balue fit déclarer l'èvéque.

Discours sur M. de la Noue. 319

trahisons qu'il luy fit, et intelligences qu'il avoit avecques le duc de Bourgoigne et autres ses ennemys ; dont il l luy fit espouser une prison fort estroicte et rigoureuse pour onze ans, non sans soupçon de poison 1 , à la mode de ce roy qui sçavoit ainsy chastier ses gens traistres et desloyaux; ce qui fut bien employé. Et ainsy devroit-on faire à tous les infidèles et ingrats; le monde en seroit plus net qu'il n'est.

Or, voylà comme il prend mal aux ingrats, et très-bien aux recognoissans, et selon la volonté et permission de nostre Dieu, lequel abhorre et maudict les uns, et ayme et bénit les autres. Mesmes que nous encourons son indignation et courroux lorsque nous luy sommes ingrats, et ne recognoissons les biens qu'il nous a faicts; et gaignons sa grâce lorsque nous les recognoissons, en nous recommandant fort dans ses sainctes loix; et sa saincte église aussy nous commande expressément de prier Dieu pour nos bienfaicteurs.

Et aussy que de tout temps immémorial, voire après la création du monde, les bienfaicteurs sont advant les roys, cela est assez notoire; et, d'autant que l'antiquité va devant les roys. J'alleguerois force autres authorités et exemples sur ce subject ; mais je n'aurois jamais faict, et aussy que le champ en est si oeau, si plantureux, qu il y faut un meilleur agriculteur, et plus excellent que moy, pour