Ou à la chaîne, en ramant sur les galères de Barberousse

Rodomontades espaignolles. 16}

*plus brave exemple aue des amutinés de la ville d'Alost en Flanares, qui d'eux-mesraes secoururent si bien et si vaillamment la citadelle d'Anvers, assiégée par les Estats, dont j'en parle ailleurs. Ils en ont faict de mesmes en plusieurs autres lieux, s'estans ainsy reconciliés, je dirois bien où, mais je serois trop long-

Je voudrois seulement sçavoir sur ce discours, de Quelque grand docteur, s'il y alla beaucoup de la conscience dudict Ferdinand en ce serment preste et rompu, au'aucuns ont dict qu'il ne 1 avoit faict que ae bouche et non de cœur; sçavoir si cela se peut faire en la présence et à la veue du corps de Nostre Seigneur, et si ce n'est point l'offenser en abusant ainsy de son sacrement et de son mystère. Pour quant à l'honneur, il y a tant de raison de pro et contra, que je les laisse à discourir aux grands capitaines et plus gentils cavaliers que moy. Tant y a pourtant, il me semble, au'on ne doit point estre tant ainsy severe à Pendroict des pauvres soldats, bien qu'ils fassent tels ou autres delicts; car ce sont eux qui battaillent pour les chefs; ce sont eux qui acheptent de leur sang les victoires, et les chefs en triomphent de l'honneur et du proffit. A quoy sceut très bien avoir esgard Scipion en Espaigne contre ses amutinés, qui ne se contentans de leur rébellion, prindrent l'autorité et enseigne de consuls à l'instance des soldats. Les chefs en furent punis, et aucuns soldats; et les autres furent pardonnes, qui après firent à luy et à la république romaine

164 Rodomontades espaignolles.

très-bons services. Je pense bien que ces grands chastieurs de séditions voudroient bien que' les soldats fissent de pierre pain, ainsy que le diable vouloit que Jesus-Christ fist en son désert. Mais, ne pouvant faire ces miracles, il faut bien qu'ils vivent; et vivre ne peuventils s'ils n'ont leurs payes, ou ne brigandent. Et, ne leur voulant permettre le brigandage, leur retenant leur solde, que veut-on qu ils fassent? Voylà en quoy ces grands capitaines et généraux d'armées doivent bien arregarder sur ces chastimens, car il y va de la conscience. Cependant je brise icy, estant le discours trop long et fascheux possible à aucuns.

Un de ces ans que nostre roy print et * gaigna Paris de la façon que chacun sçait, les Espaignols qui estoient dedans, qu aucuns nommoient Napolitains (mais autant y avoit-il des uns que des autres), ils furent fort estonnés, et comme gens braves et vaillans se résolurent au combat; et s'estant mis en battaille, le roy leur manda qu'ils ne s'amusassent point à cela, autrement qu'ils estoient tous perdus s'ils en venoient là; toutesfois s'ils vouloient estre sages, qu'il leur fairoit si bonne et honneste guerre, qu'ils auroient occasion de se contenter en leur octroyant, leurs vies et bagues sauves, la retraicte de gens de guerre, ensemble seure conduicte.

Leur maistre de camp qui leur commandoit, avec d'autres capitaines, admirans la générosité de nostre roy, se mirent tous à dire :

a Admirez ce généreux roy, lequel ne se contente point de vaincre les hommes avec les

Rodomontades espaignolles. 165

armes, mais les vainc encore et les gagne par toutes sortes de courtoisies et d'honnêtetés*. » Pour ce ils acceptèrent le party. Et pour se retirer, marchans par la ville, le roy les voulut voir passer; lesquels tous luy vindrent faire de grandes révérences, au moins les capitaines; les soldats le saluoient avecques leur gentille mode, ainsy qu'ils sçayent très bien faire. Le roy leur rendit la pareille, selon le respect de sa royale grandeur, et les fit très seurement conduire au lieu de leur retraicte. Ce ne fut sans dire tous les biens du monde de ce grand roy, comme ils avoient raison; car s'il eust voulu estre cruel, ils estoient tous perdus et mis en pièces.

Quasi telles et semblables paroles dirent ces pauvres Espaignols restés aevant Mets de feu M. de Guyse le grand, lesquels ayant trouvé au levement du siège misérables, malades, mourans de froid et de faim, fit retirer, loger, substanter, panser, s.r que plusieurs en eschapperent par son bon traictement, et puis les fit conduire tous à sauveté vers Thionville. Ce fut à eux d'en dire tous les biens du monde, comme de raison. Et entre autres beaux mots qu'ils en proférèrent, furent ceux-cy, qui portent grand poids, bien qu'ils soient courts et briefs : « Qu'il était équitable ennemi et miséricordieux vainqueur". »

1 . Mira aauel rey valeroso, el quai no se contenta de vencer los hombres con las armas, mas los vence y gana con toda cortesia y gentileza.