Voyez t. V, p

94 Livre II, Chapitre II;

M. de Nemours, en mon livre qui traicte des grands capitaines qui ont estez de nos temps despuis cent ans. J'aileguerois force autres pareils combats anciens, mais ils sentiroient trop leur rance; pour ce je les obmets, et viens à nos modernes que nous avons veu en nostre France despuis vingt ans en ça.

J'accommanceray par celluy de Quielus* et d'Antraguet*, principaux querelleurs, et ce pour dames, Riberac», et Chombert* le jeune, Allemant, secondoient et tierçoient Antraguet ; Maugiron * et Livarot ' secondoient et tierçoient Quielus, qui tous seconds et tiers s'offrirent à se battre, plus par envie de mener les mains, que par grandes inimitiez qu'ils eussent ensemble. Ce combat fut très beau, et l'accompara on lors à celluy de Curyasses et Horaces, les uns Albans et les autres Romains, pour n'en avoir veu en France de longtemps tel, et de tant à tant, et sans armes aucunes defFencives. Reste que de cestuy cy en resta deux en vie, qui furent Antraguet et Livarot, et de l'autre des Romains et Albans un seullement. Antraguet avoit à faire avec Quielus, Riberac avec Maugiron, et Livarot avec Chombert. Ils