Charles de Vivonne, baron de La Chastaigncraye

142 Livre II, Chapitre II.

Un de ces ans, advint un coralbat entre le seigneur Amadeo, frère bastard de M. de Savoye*, et M. de Crequi, gendre de ce grand M. d Esdiguieres ; je ne me veux amuser d'en dire le subject, car il est ailleurs escrit, et aussy que force gens le sçavent, pour en estre la nouvelle récente*. Tant y a, qu'estans venus au lieu assigné du combat, la fortune fust si bonne pour M. de Crequi, qu'il blesse son ennemy et le mit à tel poinct de demander la vie, qu'il luy cède fort gentiment et librement; ce qu'ayant sceu, M. de Savoye, s'en collera si fort contre son frère, qu'il luy dict et commande de retourner au combat aussitost amprès estre guery, quoy qui fust. A quoy il ne faillit, et non plus le seigneur de Crequi, de comparestre. Ce fust en une petite islette du Rosne. D'en dire les formes, les seconds et appellans, c'en seroit une chose superflue. Pour la fin du combat, faict à l'aspect de plusieurs arregardans deçà et delà le