SUR LES DUELS

'ay entrepris ce discours sur ce que f ay veu souvant faire ceste aispute parmy de grands capitaines, seigneurs, braves cavalliers et vaillans soldats, sçavoir mon ^i l'on doit pratiquer grandes courtoisies et en user parmy les duels, combats, camps clos, estaquades* et appels ? Aucuns les ont fort approuvées, et sont estez-d'advis d'en user, d'autres non. Ceux et les premiers qui ont mis les camps clos et combats à outrance en leurs plus grands vogues, sont estez les Danois et Lombards, et qui les premiers leur ont imposé les loix rigoureuses que autresfois ont estées observées parmy nous autres chrestiens par trop cruellement, et principalement du temps de Charlemaigne, qui mesme en fist des loix, et depuis fort usitées parmy les François et Italiens, plus parmy eux que par autres. Il nefalloit point parler de courtoisie nullement,