I . Voy. ci-dessus, p

70 Livre II, Chapitre II,

Ce brave seigneur et vaillant chevallier, Renaud de Montaubant, ne fist pas ainsin à l'endroit de la belle Genevre, fille au roy d'Escosse ; car fust à droict ou à tort, se jetta à travers les armes pour la deffandre ; car aussy bien l'eust il deffandue et combattu pour elle, de s'estre laissée allçr entre les bras de son amy, comme si elle se fust contenue (ce dict il). Voylàen quoyil mérite double louange. Aussy tout gallant cavallier doibt soubstenir Fhonneur des dames, soit qu'elles Payent offancé et forfaict, soit que non ; j'entens si c'est forfaicture et offanceàune belle, gentille et honnçste dame, d'aymer bien son serviteur amant, et luy donner la vie : et voylà le debvoir du cavallier à l'endroict des dames, ainsin que j'en ay plusieurs veu de mon temps, et à la cour, et ailleurs, soubstenir et deffandre l'honneur de leurs dames et par parolles et par leurs espées, encore qu'elles fussent les plus grandes putains du monde, et qu'ilz les eussent cogneus telles, et d'autres et tout, contre lesquels ils se battoient; et s'ils eussent faict autrement, on les eust tenus pour vrays poltrons et indignes de l'amour de leurs dames ; car, pour en parler sainement, toute dame, quelque grand'putain qu'elle soit, veut paroistre tousjours dame de bien et d'honneur : j'en parle ailleurs dans mes livres que j'ay faict des Dames.

Il y en a aucuns, oui ores qu'ils ne combattent pour ce subject aes dames, et qui, se fians en leurs braves courages et bonnes espées,

Prennent des querelles de gayetté de cœur, ou ien sur un meschant droict et grande injus-

Discours sur les Duels. 71

tice, mais bien souvant aussy sur ceste mauvaise querelle sont abattus, non pourtant que la dame bien souvant en isoit villipandée, car Ton attribue le tout à Dieu ou bien au sort des armes, comme j'en alleguerois force exemples si je voulois.

J'ay leu autres fois en ce grand historiographe Paule yEmile*, qui a si bien escrit nostre histoire de France, que Robert d'Artois, brave et vaillant capitaine de ce temps là, s'il en fiist onc (ce fust celluy qui ayant quitté le party françois prist celluy de l' Anglois, dont il fiist cause de tant de maux, meurtres et pertes qui arrivarent en France du temps du roy Philippes de Vallois et le roy Jehan), celuy là doncques, voulant pretandre quelque droit à la comté de Flandres, produisit quelques tiltres faux, et que luy mesme avoit laict falcifier; et les produisant devant le roy*, qui estoit bon prince et son bon parent et amy, luy remonstra qu'il ne les debvoit plus produire, et qu'il y alloit de son honneur, car ils estoient faux. Robert, qui estoit haut à la main au possible, encore qu'il sceust bien sa fausseté, mais se fiant par trop en sa vaillance et sa bonne lance, n'eut point de honte de respondre au roy que ces instrumens et tiltres estoient très bons et poinct faux, et qu'il le combattroit de sa personne à la sienne en camp clos, et luy maintiendroit la vérité.

C'estoit trop arrogamment parlé à un roy duquel il estoit vassal. Le roy qui fust sage,