Charles IX

Branthôme, VIII. 8

114 Livre II, Chapitre II.

fust celuy deMillaud^ Mais premier, jediray pourquoy ledict baron tua ledict Gounellieu : parce que ledict Gounellieu avoit tué son jeune irere, Jeune garçon de Taage de quinze ans, mal à propos, disoit on, et avec supercherie : qui fust dommage certes, car ce jeune garçon promettoit beaucoup de luy. Tous deux suivoient feu M. d'AlIançon. Voylà comment ledict baron revancha la mort de son jeune frère.

Estant donc de retour d'Italie, il sceut qu'amprès le siège de La Rochelle^ Millaud se pourmenoit dans Paris à son ayse, qui le pensoit ençor en Italie, et ne le jugeoit jamais avoir le courage ny la resolution de retourner à cause de la fureur du roy. Néanmoins, il retourne, et se pourmeine par la ville en habit d'advocat, espie et recognoist le tout et son mieux, ayant laissé venir la barbe fort longue, si qu'il estoit irrecognoissable, se loge l'espace de quinze jours en ceste petite maison qui est au bout du guet des Augustins^ veoit et reveoit passer son homme par plusieurs fois, ainsin qu'il m'a dict despuis ; puis voyant son bon, et qu'il estoit temps, sort un jour de son logis avec les deux Boucicaux frères, Provançaux, seuUement, braves et vaillans hommes certes, aussy les appelloit on les lyons du baron de Vitaux, et attaque Millaud,^ accompaigné de cinq ou six hommes passant tout devant son logis, le charge, le tue, avec peu de résistance, et se sauve bra-