Charles de Vivonne, baron de La Chastaigneraye

142 Livre II, Chapitre IL

Un de ces ans, advint un combat entre le seigneur Amadeo, frere bastard de M. de Savoye*, et M. de Crequi, gendre de ce grand M. d Esdiguieres; je ne me veux amuser d'en dire le subject, car il est ailleurs escrit, et aussy que force gens le sçavent, pour en estre la nouvelle récente •. Tant y a, qu'estans venus au lieu assigné du combat, la fortune fust si bonne pour M. de Crequi, qu'il blesse son ennemy et le mit à tel poinct de demander la vie, qu'il luy cède fort gentiment et librement; ce qu'ayant sceu, M. de Savoye, s'en collera si fort contre son frere, qu'il luy dict et commande de retourner au combat aussitost amprès estre guery, quoy qui fust. A quoy il ne faillit, et non plus le seigneur de Crequi, de comparestre. Ce fust en une petite islette du Rosne. D'en dire les formes, les seconds et appellans, c'en seroit une chose superflue. Pour la fin du combat, faict à l'aspect de plusieurs arregardans deçà et delà le