On se demande à quel titre
Mon père doncques estant de retour à la cour, le roy François luy fit bonne chère, et luy demanda force nouvelles de celles que le roy Henry luy avoit faictes, et puis luy dit : a Vous gouverneriez paisiblement le roy mon frère. Il n'y a que pour vous. »
Mon père luy dit : « Ah ! chadieu ! il est vray, sire roy, je le gouverne mieux que je ne vous gouverne, et Feusse encor mieux gouverné si j'eusse voulu demeurer avecques luy; car il m'a présenté de meilleurs partis que vous ne me ferez jamais. Mais, ny moy ny les miens, ne fusmes jamais Anglois ny traistres. Pour tous les biens du monde je ne le feray jamais, ny à vous ny à mon pays, bien que ne me donnez pas grande occasion de me contenter de vous. »
Le roy se mit à rire, et luy dit qu'il ne tiendroit qu'à luy qu'il ne fust content de luy! et qu'il luy demandast. a Ah ! chadieu bénit, dit-il, vous autres rois vous promettez prou, quand vous avez affaire des gens de bien, et puis rien; mais que vous ayez vos petits mignons près de vous, vous ne vous souciez de personne. »
Or, mon père, estant retourné en sa maison, il ne laillit pas d'envoyer audict roy Henry le présent de ces chiens noirs, qui furent à la demy-douzaine, des plus grands et forts espaigneuls que l'on eust sceu veoir, et des plus beaux et des meilleurs. Il y avoit quatre chiens et deux chiennes, tous couplés bien gentiment. La Souche, qui avoit esté son laquais de là les monts et estoit père de Pe-
chonpe, les mena. Ne faut point demander comme le roy les trouva beaux et bbns après les avoir essayés ; et en loua cent fois mon père. Il bailla à La Souche cinquante escus pour s'en retourner, et une chaisne de cinquante escus qu'il portoit au cou. Quand il arriva il se présenta à mon père avecques son habillement de velours noir, que mon père Pavoit ainsy habillé avant que partir; si bien qu'on Feust pris pour un gentilhomme, car il estoit d'une fort belle et haute taille, et avoit encor amené une fort .belle guilledyne* à mon père, que le roy luy envoyoit. J'ay ouy faire ce discours au bon homme feu* lieutenant de la Tour-Blanche, qui avoit vescu quatrevingts ans, qui estoit présent à l'arrivée dudlct La Souche, qui faisoit si bien sa mine, et se targuoit et se roguoit (il m'usoit de ce mot) », Qu'il ne faisoit cas de personne avecques sa belle cadene; et la portoit ordinairement, et disoit qu'il avoit gouverné le roy Henry à la chasse et partout*, et qu'il ne luy faisoit que souvent demander des nouvelles de son maistre, et qu'il le desiroit cent fois près de luy. Et disoit que c'estoit un bon roy, et qu'il avoit vescu tousjours en sa maison royalle, et* avoit commandé de luy faire boire de bon vin; « car ces Gascons, dit-il, l'aiment
