I. Mulets porteurs de bagages, avec sonnettes au collier

Opuscules. ji

sur un grand coursier fort, et alla à luy. De la première course il le fit chancelier et luy fait toucher la lice*; de la seconde, il le porta par terre tout à trac, dont tout le monde s'en esbahit fort, car il estoit Tune des rudes lances de l'Angleterre ; et à mon père resta une grande gloire.

Et, pour ce, le roy Henry le prit en si grande amitié qu'il ne le voyoit pas à demy, et le mena avecques luy en Angleterre pour un mois, passer le temps. Là où il le menoit souvent à la chasse des oiseaux et des chiens; et parce qu'il* vit que les siens n'estoient pas des Dons (ny pour la perdrix, ny pour le lièvre), il luy ait qu'il luy en vouloit bailler une demy-douzaine des siens, qui estoient bien autres en beauté et bonté, et tous noirs comme taupes. De quoy le roy fut fort aise, et l'en pria de les luy envoyer quand il seroit de retour chez luy ; à quoy mon père ne faillit. Et, après avoir pris congé du roy, il luy fit présent de deux belles boites' d'Angleterre, et voulut qu'il fist mettre ses armoiries^ dans l'église de Sainct-Paul à Londres, sur le grand vitrail; ce qu'il fit, et les y ay vues paroistre bien avecques ces deux grandes pattes de griffon, qu'il faisoit beau veoir, lesquelles mon frère d'Ardelay et moi vismes et remarquasmes quand nous estions en Angleterre.