POUR LA PRATTIQUE DE CETTE PREPARATION

Pour l'acte de la Communion, et pour le fruict qu’on doit tirer d'icelle apres l’avoir faite.

L’AME estant ainsi disposée en ces trois principales facultez, fait un fruict admirable en la saincte communion : mais parce que cette preparation est deduite en termes generaux, je mettray icy les advertissemens particuliers necessaires à la prattique d'icelle. |

Si vous n’estes ie agitée des tentations de curiosité, vous n’avez que faire de penser à ce que j'en ay dyt; car, en y pensant, vous luy ouvrez la porte pour la faire entrer chez vous : mais vous devez seulement remercier : Dieu de ce qu'il vous donne la simplicité de la foy, qui est un don tres-precieux et tres-desirable, et prier sa divine Majesté de le vous continuer : que si vous estes agitée de cet esprit de curiosité, faites ce que j'ay dit, mais faites-le briefvement par forme de simple rejet et detestation, sans vous amuser à disputer et contester avec l’ennemy, lequel doit estre combattu par abomination, non par raison, selon l'exemple de Nostre-Seigneur, qui ne le fit fuïr qu'en luy disant : Arriere, Satan, tu ne tenteras pas le Seigneur ton Dieu.

Combien que la tentation ne cesseroit point, ne laissez pas de communier; car si vous laissiez pour cela, vous donneriez gain de bataille à vostre adversaire : allez donc vigoureusement, et sans avoir egard aux tentations, recevez le pain de vie, et ainsi faysant, vous demeurerez victorieuse de vostre ennemy; qui la quitte, la perd.

Pour vaincre la curiosité en ce point, vainquez-la en toutes choses, pour petites qu'elles soient, ne recherchant autre science que celle des Saincts, qui est Jesus-Christ crucifié, et ce qui vous conduit à luy.

Touchant la consideration, il sera bon que le jour avant la communion , aux heures de vostre oraison mentale et recueillemens, vous dressiez quelque peu vostre esprit à Nostre-Seigneur en ce sainct sacrement, et mesme en l’examen de conscience à la fin, et ce par quelque briefve pensée de l'amour du Sauveur